आरोग्यविद्या
Home बाळंतपण

बाळंतपण

बाळंतपण

हल्ली सर्व बाळंतपणे रुग्णालयात करायची मोहीम आहे. मात्र काही बाळंतपणे अजूनही गावात घरी किंवा उपकेंद्रात होतात. उपकेंद्रात बाळंतपण करायचे असल्यास डॉक्टर उपलब्ध नसतो, तरी कुशल प्रसूतीसेविका असायला पाहिजे.

गावात बाळंतपण करायचे? मग एवढया गोष्टी बघूनच करा! बाळंतपण करतानाही लक्ष ठेवा ! : तक्ता (Table) पहा.

या सर्व सूचना बाळंतपण करतेवेळी लक्षात घेण्यासाठी म्हणून आहेत.यापूर्वीच्या नियमित तपासणीत काही धोका असल्यास त्याची वेगळी दखल पूर्वीच घेतली आहे असे समजू या.

ही माहिती, प्रत्यक्ष अनुभवानेच नीट समजते.

बाळाचे डोके खाली असेल तरच गावात बाळंतपण करा. इतर बाबतीत या सूचना गैरलागू आहेत.

या तपासणीत काही धोका अडचण आढळल्यास बाळंतपण हॉस्पिटलमध्ये व्हायला पाहिजे. पाठवून देताना किती वेळ शिल्लक आहे याचा अंदाज घ्या. वाटेत बाळंतपण होणार असेल तर आपण सोबत गेलेले बरे.

पहिले बाळंतपण अवघड असते, शक्यतो असे बाळंतपण गावात करू नका. तसेच पहिलटकरणीस पहिल्या व दुस-या पायरीला इतरांपेक्षा दुप्पट वेळ लागू शकतो हे लक्षात ठेवा.

आठवडे-महिन्यांच्या हिशेबापेक्षा पोट मोठे असणे

गर्भाशयात कधी कधी जुळे असते. अशा वेळी तेव्हा पोट हिशेबापेक्षा मोठे दिसते. तसेच कधीकधी गर्भाबरोबर जास्त पाणी असते. अशा वेळी बाळंतपण अवघड असते.

उशिराची पहिलटकरीण

पहिले मूल तिशीत होत असेल तर बाळंतपण अवघड असते. त्यामुळे असे बाळंतपण शस्त्रक्रियेच्या सोयी असलेल्या रुग्णालयात व्हावे.

मातेचे वय16 वर्षापेक्षा कमी असणे

कोवळया वयात बाळंतपण आले तर आई व मूल या दोघांनाही धोका असतो. खरे तर कायद्याने अठरा वर्षाखालील मुलीचे लग्न करणे बेकायदेशीर आहे.

आधीच्या बाळंतपणात त्रास झालेला असणे

या आधीच्या बाळंतपणात काही त्रास झालेला असला तर याही वेळी त्रास होण्याची शक्यता असते. म्हणून गर्भनिदानाच्या वेळीच याबद्दलची सर्व माहिती विचारून घ्यावी.

गर्भाशय बाहेर येणे

जास्त बाळंतपणे होऊन कधीकधी ओटीपोटाचे स्नायू कमकुवत होऊन गर्भाशयाची पिशवी थोडीफार बाहेर पडते. अशा वेळी बाळंतपण अवघड जाते व गर्भाशय फाटण्याची शक्यता असते. म्हणून अशी बाळंतपणे तातडीच्या ऑपरेशनची सोय असलेल्या रुग्णालयातच व्हावीत.

 
चलचित्र / छायाचित्र संग्रह
वृत्तपत्र लेखन
लॉगिन करा
mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterToday526
mod_vvisit_counterYesterday1940
mod_vvisit_counterThis week526
mod_vvisit_counterLast week12550
mod_vvisit_counterThis month31931
mod_vvisit_counterLast month52342
mod_vvisit_counterAll days4602629

We have: 19 guests, 4 bots online
Your IP: 49.35.237.226
Safari 534.30, Linux
Today: फेब्रु 19, 2018
Bharatswasthya